ဘန် အိုကရီ (Ben Okri) သည် နိုင်ဂျီးရီးယားလူမျိုး ကဗျာဆရာ၊ ၀တ္ထုရေးဆရာ ဖြစ်သည်။ ၁၉၅၉ ခုနှစ်တွင် နိုင်ဂျီးရီးယားနိုင်ငံတွင် ဖွားမြင်ခဲ့သော်လည်း လန်ဒန်တွင်ကြီးပြင်းခဲ့သည်။ ၁၉၆၈ ခုနှစ်ရောက်မှ မိသားစုနှင့်အတူ နိုင်ဂျီးရီးယားသို့ ပြန်ရောက်သည်။ အစောပိုင်းရေးသည့် ၀တ္ထုများတွင် နိုင်ဂျီးရီးယားတွင် သူကြုံတွေ့ခဲ့ရသည့် ပြည်တွင်းစစ်၏ အနိဋ္ဌာရုံများ အကြောင်း ခံစားရေးဖွဲ့ခဲ့သည်။ နိုင်ဂျီးရီးယားအစိုးရက ထောက်ပံ့သည့် ပညာသင်ဆုရသည့်အခါ အင်္ဂလန်နိုင်ငံ အက်ဆက်တက္ကသိုလ်တွင် ခေတ်ပြိုင်စာပေ ဘာသာရပ်ဖြင့် ဘွဲ့ယူရန် အတွက် ထွက်ခွာခဲ့သည်။